北海道紅葉之旅day 1

30-9-2012

香港-->札榥

這次旅行，其實plan了很久，最後終於成事。剛巧踫上十一黃金週和中秋，所以班機非常full，幸好買到機票，不過當然所付出的，要比平時多才行。

在籌備中，剛巧又發現踫正日本三連休，酒店都變得非常full和貴，剛巧那天會住在知床，那裡可選擇的不是太多，唯有豪一點。

飛機準時起飛，大約五個小時就到，一出關，和兩年前一樣，見到很多手信商店，我們二話不說，買了jr票，坐特急出札榥。

今晚住的是hotel gracery sapporo，兩年前已經住過了，它就在jr站對面，所以好方便。

安頓好，知道autumn festival在大通公園舉行，而且今天是最後一天，我們便打算到那裡一遊。

走了大約15分鐘，看到很多小攤當，我們走了一次，裡面大部分攤當都是賣食物的，也有賣酒的，更有少部分賣蔬菜生果，不過可能我們比較晚，所以有些攤當已經收了。

酒店不包早餐，唯有到大丸地下一逛，以我們經驗，大約7時，很多食物都會進行大割引，我們買了一些飯團，飲品，水果便回酒店，準備明天開始自駕之旅。

人生

人生如戲，戲如人生。

這是一個難熬的兩星期。

自回來後，很多問題一湧而上，真是屋漏兼逢夜雨。

又或是，可以用一波未平，一波又起來形容。

壓力已經去到頂點，開始感冒，爛咀。

生性樂觀好勝的我，不停的對自己說:事情總會好起來，我不能夠輕易服輸。

幸好事到如今，開始出現曙光。問題總算得到解決。

可是，又知道朋友出事，心情又落下來。

難道人越大，便越難快樂起來？

還是，人越大，就更難滿足起來？

還記得小時，
春天可以撿到木棉花的種子，好開心
夏天可以吃到雪糕，好開心，
秋天可以參加一年一次的學校旅行，好開心，
冬天可以吃火鍋配汽水，好開心…

所快樂的事情好簡單唷！

原來我忘了，快樂其實是心態，現在的我，也可以好幸福:
有能力養活自己及父母，好滿足，
可以照顧自己及身邊的人，好滿足，
生日有良朋知己為自己慶祝，好滿足，
閒時可以四出旅遊，好滿足，
歡喜悲傷有愛的人分享，好滿足…

有人說，如果你因為錯過太陽而流淚，那你也會錯過星星…

It's true.

四人行之我在墾丁，天氣晴 Day 5

30-5-2012（三）

今日我要獨自搭3點幾機回香港，而E先生就留下來，和他的爸媽遊玩。

所以食完早餐後，就出發到我們最後一間既coffee shop - AROMA。這一間店有著home feel 的裝修，而且店員沖咖啡既技術，也十分專業，豆當然是自己烘焙的，我們都認為，這一家店，是我們這幾天去過的，最好既一間。

E先生和朋友T，當然沒有放過請教咖啡既機會，時間不知不覺地溜走，好快就到離開既時候，我們和朋友道別，因為我要回酒店拿行李，然後去機場。

這五天快樂美好的時光，雖然過得好快，但是卻會成為燦爛的回憶，藏在心裡，直到永遠，然後偶爾拿來回味一下，也廷不錯唷!

 

四人行之我在墾丁，天氣晴 day 4

29-5-2012（二）

旗津--＞洛斯特精品咖啡--＞麻辣火鍋

今日一早起身，等到大約8點幾，先落去食早餐，因為唔想撞見大陸同胞。

早餐都有好多選擇，而且不停有人refill食物，都幾好。
食過早餐，見朋友未食完，就去附近一帶行下。

之後約埋朋友一起出發到旗津，首先去到呢個碼頭

然後坐大約5分鐘船就到

旗津其實都幾大，加上好熱，所以我地租單車，每人大約NT100全日，有D係用電發動，又有d係可以坐兩個人既。

第一站見到天后廟

之後沿住大街走，會見到個類似公園既地方，可以俾單車入，之後我地亂走，見到有條斜路，話上去燈塔，我地就泊低架單車，行上去，因為上面條路好難踩到單車。

行左一陣，見到個呢d類似以前用黎打仗既地方，高居臨下，見到整個旗津

繼續向前行，就會見到燈塔，同喺墾丁嗰個好似

忽然烏雲密佈，仲落起雨，我地唯有喺燈塔入面避雨，過左一陣，終於停雨，我地繼續上路，由上斜路，到落斜，其實兜左個圈，去番泊單車既地方。

 之後繼續踩單車向前，沿途風光明媚，不過好熱同好曬。踩左一陣，見到個貝殼館

 原來呢個貝殻館搬左喺對面，我地就入去睇下，順便凉下冷氣，呢度係免費入場，入面收藏左好多唔同種類既貝殻，簡直大開眼界！亦發覺其實世界好大，人只係好渺小。

之後再向前踩，見到天聖宮，我地無入去

之後到左風車公園

跟著就踩番轉頭，路經呢條路，好舒服！

還左單車，坐番船，沿路番去酒店，休息一陣，之後就喺酒店借左單車，無錯，又再踩單車，問左酒店職員點去洛斯特精品咖啡，因為離酒店比較近，跟著就踩去，高雄d馬路其實有d難過，因為係d十字路口，成日都有車行，對於我呢d單車生手，其實有d驚，不過踩左一陣，開始習慣，就唔驚啦，反而係E先生驚我有事多d。

入到去coffee shop都幾多人，我地被安排坐下一層，落去完全無人，其實見我地多人，特登開俾我地，無幾耐就有個barista姐姐招呼我地，問下我地想飲咩，仲好細心，好有耐性咁介紹有咩咖啡飲，我地仲叫左d窩夫，可頌食，就咁坐到天黑。

離開時，發現外面下大雨，唯有問下附近有什麼好食，食完才回酒店，barista姐姐介紹隔離鋪既麻辣火鍋，我地就一試，佢地有鴛鴦湯底，可以一面辣，一面唔辣，我地選左四人餐，有好多野食，好好味，但最後都食唔晒。

食完外面仍然下雨，不過算了，硬著頭皮踩回去，沿路回去，又要過那些難過既馬路，只好跟著兩位男士，見佢過就跟著過，幸好最後安全到達。

上房梳洗完畢，就要pack行李，因為明天我要獨自回香港了。

四人行之我在墾丁，天氣晴day3

28-5-2012（一）

墾丁--＞高雄--＞美麗島站--＞雅裴詩咖啡店--＞誠品--＞六合夜市

今日約了包車回高雄，11點便來到我們的民宿接我們，今次還有另外兩個台灣人一同回高雄。 中途休息了一會，大約兩個鐘，就到了今次我們在高雄住的康橋商旅（中正館），這間酒店我在agoda訂，只是四百多一晚，著實便宜，因為地點方便，而且好乾淨，又有免費洗衣，pop corn，雪糕，茶任飲任食，最好係有免費單車租，可以四圍去，唯一缺點是，比較多同胞團入住，早餐最好過左八點先食，就可以避開他們。 我們大約一點幾到，正常要三點先可以check in，但幸好酒店可以俾住一間房我們，咁就可以先上房，放低行李。 之後出發到美麗島站

exit 9有一間雅裴詩咖啡店，聽說幾好，所以高雄第一個景點，就是到那裡嘆咖啡，那裡也有一些輕食，如三文治，窩夫之類，都非常出色。

E先生當然不放過交流咖啡既經驗啦！

食完後，本來想到糖廠，但係糖廠係五點關門，而且車程也要半個小時，我們怕來不及，還是放棄，便决定到誠品，問過車站職員，最近最大既誠品應該係三多商圈站。 在誠品打左一輪書釘，大家都有所收獲，便回程回酒店，check in埋另一間房，休息一陣，晚上到六合夜市掃街。 六合夜市雖然無台北既咁大，但都好多人，好多野食，食完我們便回去酒店休息了。

四人行之我在墾丁，天氣晴 day 2

27-5-2012（日）

船帆石--＞香蕉灣--＞最南點--＞鵝鑾鼻--＞風吹沙--＞港口情人橋--＞恆春古鎮--＞南灣--＞後壁湖--＞貓鼻頭--＞白沙灣--＞關山--＞出火

今日起身，見到太陽，good morning！

起身後，由於時間尚早，便出去附近走走，由民宿行出去，好快到一個小沙灘，不過游唔到水既，聽聞小灣大d，而且都近，就試下行過去

不過實在太熱，行了大約十分鐘，已經頂唔住，掉頭回去，返去睇地圖，原來還要行前多一點才到。

本來約了朋友一起食早餐，不過他們實在太累了，睡過龍，我們只好自己到魔法廚房食早餐。早餐是民宿包的，只有abc餐，不過都幾好味，食完逛下早上既大街，同晚上既熱鬧情況爭好遠。 回民宿途中，撞見朋友外帶早餐回房食，無啡不歡既E先生，一早自備咖啡用品，在民宿冲咖啡飲，還冲俾一樣無啡不歡既友人T，就這樣，一起嘆起咖啡來。

大約十一點，包車司機東方哥已經來到我們民宿接我們，我們第一站先到船帆石 陽光好猛

影左幾張相，好快上車去另一景點，香蕉灣

這裡水好清，是浮潛熱點, 之後本來去鵝鑾鼻，不過東方哥見車場好多旅遊大巴，應該好多同胞在那裡，所以我們先跳過這裡，先去最南點。去最南點要行一段路，感覺似在行山，不過是平路

這裡是台灣最南端，所以可以看到三個海峽

過了幾分鐘，慢慢開始多人，我們也離開，出發到鵝鑾鼻

這是一個好大既公園，要付門票 先見到一個大草原

行上去，就會見到一個白色燈塔，好美，不過都好熱，我忍不住買了冰食

行完走番落去，有賣椰青既鋪頭，買左個細既試下，因為阿姐話最好飲，果然好好味！

之後去風吹沙，由於不是冬季，所以唔係好大風，不過見到d沙被吹到上馬路邊

下一站到港口情人橋，同樣要付清潔費10元

然後到恆春，先到東門，可以走上去 行完後，

東方哥車左我們去食冰，仲請我們食

食完就行下，行經阿嘉之家，又要俾錢入去，當然唔入，我估無咩好睇

東方哥話綠豆蒜好出名，肉燥飯又好好味，我們居然食得落，連東方哥都嚇了一跳。

我們也到玉珍香買了出名既手信，洋蔥蛋捲。 由於剛食完野，我們先到南灣，呢度好多人游水，同玩水上活動，當然亦有好多比堅尼

之後到後壁湖食海鮮，無錯，又食，我們的確好恐怖，但呢度既海鮮係唔可以放過，因為後壁湖係個魚港，所以d海鮮好新鮮，而且好平，尤其魚生，我們請埋東方哥，五個人大魚大肉後只係港幣三百幾，實在太太太平啦！

飲飽食醉，出發到貓鼻頭，另一個到此一遊既景點，而且有好多同胞

跟著到白沙灣，一個好有外國feel既地方，可以露營，有餐廳，有live band唱歌，而且比較多外國人，都好靚

行左一陣，要到關山睇日落，可以選擇企在路邊等，或者去cafe坐住睇，不過最低消費每人NT100，我們當然選擇坐住睇啦，因為行左一日，已經好攰啦！

今晚日落未算好，因為好多雲，不過都好難得，喺香港邊有咁既閒情日緻？ 活動已經去到尾聲，最後一個景點係出火，呢度因為地下有天然氣，所以地上會無端端有火，不過都有好多蚊

本來諗住喺時候回民宿，估唔到東方哥記得我們話，想買生果，佢就帶左我們去當地人既生果檔，好平而且好好味

買完就真係同東方哥say goodbye啦，東方哥真係好好人，佢話做到45歲就退休啦，而且已經差不多達標，我們實在好羨慕佢，要以佢為目標。 上房休息一陣，出大街食dinner，今晚選了迪迪小食，食南洋野，好多人，但相對來說，不算平，味道都ok 食完友人提議去飲野，在民宿附近，有間叫鹿角

情調幾好，而且有好多種beer，有cocktail等，飲下野，傾下偈，時間就好快地不經不覺地溜走。 明天要離開墾丁，出發到高雄了。